सार्वजनिक सेवाको परिचय | कार्यहरु

सार्वजनिक सेवा परिचय

• राज्यका तर्फबाट आफ्ना नागरिकको हित, कल्याण र उत्थानका लागि प्रदान गरिने आर्थिक, सामाजिक, राजनीतिक एवं अन्य प्रकृतिका वस्तु वा सेवा वा सुविधालाई सामान्य भाषामा सार्वजनिक सेवा भनिन्छ ।
• सार्वजनिक सेवा राज्य र जनताबीचको सम्बन्ध सेतु हो।
• राज्य र शासन प्रणालीको विकास सँगसँगै सार्वजनिक सेवाकोअवधारणाको पनि विकास भएको हो।
• राज्य संचालनको प्रारम्भिक चरणमा राज्यको तर्फबाट देश र जनताको सुरक्षा गर्ने कार्यलाई सार्वजनिक सेवाको रुपमा बुझिने गरिएको भएता पनि वर्तमान समयमा सार्वजनिक सेवा भन्नाले जनताको सर्वोपरी हित र कल्याणको लागि राज्यदवारा प्रदान गरिने समग्र सेवा र सुविधाको समुच्चतालाई बुझिन्छ।
• जनताको सर्वोपरी हित र कल्याणको स्रोतको रुपमा सार्वजनिक सेवालाई लिईन्छ।
• जनताको राज्यप्रति अपनत्वभाव विकास गर्ने सशक्त माध्यमको रुपमा यसलाई लिईन्छ।

सार्वजनिक सेवाको कार्य

• लोकतन्त्रलाई सुदृढीकरण गर्ने,
• मानव अधिकारको संरक्षण गर्ने,
• कानूनको शासन स्थापना गर्ने,
• सामाजिक न्याय कायम गर्ने,
• सामाजिक एकता र सहिष्णुता प्रवर्दधन गर्ने,
• सामाजिक संरक्षण र सुरक्षाको व्यवस्था गर्ने,
• सामाजिक क्रीति एवं विभेदको अन्त्य गर्ने,
• सामाजिक अपराध नियन्त्रण गर्ने,
• रोजगारी सृजना गर्ने,
• गरिबी न्यूनिकरण गर्ने,
• आर्थिक स्थायित्व कायम गर्ने,
• मुलुकमा औद्योगिक विकास गर्ने,
• वातावरण संरक्षण गर्ने,
• मानव संशाधन विकास गर्ने,
• निजी क्षेत्रको नियमन गर्ने ।